تعلم مقطوعة أندنتينو لعازف الجيتار الكلاسيكي الإيطالي الشهير Mateo Karkasi Andantino.
طارق حرب:
"(يعزف الأستاذ طارق التمرين) مرحبا انا طارق حرب من اعزف دوت كوم واليوم بالدرس الأربعتاش بدنا نتعلم مقطوعه لعازف جيتار مشهور ومعروف اسمه ماتيو كاركاسي.
عازف طالياني كتب مقطوعات كتير اساسيه للجيتار وهو من المؤسسين للتكنيك تبع الكلاسيك جيتار زي مارو جولياني عمل الدراسات البحته كاركاسي كان عنده موهبه انه يسوي يعلم من المقطوعات جميلة جداا صراحه وفيها حس راقي وفيها ميلودي حلو كتير هيك يعني بيحس الواحد انه في روح بالمقطوعات تبعوله اندنتينو هي بتيجي من كلمة اندنتي وتعني المشي اذا الواحد عم يمشي كيف بيكون الإيقاع تبعوله مثلا الواحد بيمشي في الغرفه رايح جاي وبيعد المشيه تبعته هاي بتكون التيمبو اندنتينو هي تصغير لاندنتي فأنا بشوفها شويه اسرع بطريقه لطيفه مش سريعه بطريقه معجوءه اندنتينو بتيجي فيها حنان شويه اكتر بس هو باختصار التيمبو تبع المشي فا ممكن الواحد يستخدم مشي سريع مشي بطئ هادا هو الرينج اللي ممكن الواحد يعزف فيه انا اللي عزفتها هلأ كانت شوي اسرع العزف عشان انا بحس لازم يتحرك فيها النغم بهاي الطريقه بس طبعا لما بلشتها بلشتها بالتيمبو المتعارف عليها لاندنتينو بطيئه زي هيك (يعزف الأستاذ طارق التمرين).
هادا التيمبو كتير حلو وحلو الواحد يبدء فيه ويتعلم كيف يطلع النغم اللي هو موجود في الصوت العالي المقطوعه فيها الصوت الواطي بتشوفوه ايت نوت المتحركه من تحت (يعزف الأستاذ طارق التمرين)وفيها الميلودي زي اكنه المغنيه فوق السوبرانو فويس (يعزف الأستاذ طارق التمرين)كمان مره(يعزف الأستاذ طارق التمرين )هاي هي الميلودي."
